Azərbaycan milli komandasının futbolçusu Deniz Yılmazın çıxış etdiyi "Bursaspor" klubu Türkiyə kubokunun qrup mərhələsində ilk məğlubiyyətini alıb. Sportnet.az-ın məlumatına görə, Bursa təmsilçisi aşağı divizion təmsilçisi "Aydınspor 1923"a səfərdə 0:1 hesabı ilə uduzub.
"Bursaspor" ilk hissədə həm qol buraxıb, həm də futbolçusu qırmızı vərəqə aldığından azlıqda qalıb.
Yılmaz bu matçda heyətdə olmayıb. Çünki baş məşqçi Hamza Hamzaoğlu millimizin hücumçusunu səfər oyununa aparmağa ehtiyac duymayıb. Bu məğlubiyyət nəticəsində Yılmazın komandası liderliyini əldən verib və 3 oyunda 4 xalla qrupda 2-ci pillədədir.
