Azərbaycan milli komandasının futbolçusu Emin Mahmudov Portuqaliya çempionatının hesabat turunda fərqləndirilib. Sportnet.az-ın məıumatına görə, "Boavişta"nın 24 yaşlı yarımmüdafiəçisi bu ölkədə qol hesabını açdığı "Nasional"la səfər matçının ən yaxşı futbolçusu seçilib.
Bu haqda məlumat verən klubunun sosial şəbəkəsi millimizin üzvünün uğurlu çıxışı "Emin Mahmudovdan möhtəşəm start" kimi qiymətləndirib. Eminlə bağlı statistik göstəricilərdə onun ötürmələrində 78 faiz dəqiqliyin olduğu, 7 dəfə rəqbdən top aldığı, 3 dəfə isə təhlükəli ötürmə müəllifi olduğu məlum olur.
Xatırladaq ki, Mahmudov 2:0 hesabı ilə qalib gəldikləri matçda 11-ci dəqiqədə hesabı açıb.
