"Rusiyada legioner kimi qalmaq istəmədiyimdən Portuqaliyaya getdim. Bu ölkədən 2 təklifim vardı. Agentim mənə "Boavişta"nın daha uyğun olduğunu dedi və dərhal razılığımı verdim". Sportnet.az-ın məlumatına görə, bu fikirləri Azərbaycan milli komandasının futbolçusu Emin Mahmudov Rusiya mətbuatına müsahibəsində bildirib.
Onun sözlərinə görə, yayda digər ölkədən də sərfəli təklif gəlsə də, Portuqaliya çempionatı daha yaxşı olduğuna görə seçimini belə edib: "Həmin vaxt "Krılya Sovetov"un futbolçusu idim. Baş məşqçim mənə etimad göstərmirdi. Belə olan halıda, gözləmək fikrində deyildim. Ona görə də rəhbərlikdən məni buraxmağı xahiş etdim. Həm də ki Portuqaliya klublarının futbolçu almağa pulu yoxdur. Həmin dövrdə Azərbaycan pasportu aldığımdan Rusiyada artıq legioner sayılırdım. Hələ iki il əvvəl Azərbaycan millisində oynamaq istəyirdim. Qərarı verməzdən əvvəl çox düşündüm”.
Rusiya çempionatına qayıtmaq istəməyən 24 yaşlı Mahmudov Avropada daha çox oynamaq fikrindədir: "Daha səviyyəli çempionatda oynamaq istərdim. İngiltərə Premer Liqasını sevsəm də, orada mənə çətin olar. İspaniya çempionatı isə oyun tərzimə yaxındır”.
Emin bir vaxtlar üzvü olduğu Moskva "Spartak”ın möhkəmlənə bilməməsinin səbəblərini da açıqlayıb. Onun sözlərinə görə, paytaxt klubuna 18 yaşında keçməsi ona çətinlik yaradıb: "Oynamadığım üçün səbrim tükənirdi. Bu üzdən icarə qaydasında "Tom”a keçdim. Amma bu, lazım deyildi. Çünki geriyə atılmış addım idi. "Spartak”a erkən yaşda keçdiyim üçün günahkar özüməm. Lakin bu qərarıma görə peşman da deyiləm. Çünki belə bir klubda hamı oynamaq istəyər. Həmin vaxt "Spartak"ın baş məqşçisi olan Valeri Karpinlə münasibətlərim bəzən yaxşı, bəzən pis olurdu. Kim oynamırsa, baş məşqçi barədə pis danışır. Bu, faim belə olub. Karpinə məni "Spartak”a dəvət etdiyinə görə həmişə minnətdaram”.
