Almaniyanın "Borussiya" (Dortmund) klubunun futbolçusu Adrian Ramos karyerasını Çində davam etdirə bilər. Sportnet.az-ın "Bild"ə istinadən verdiyi məlumata görə, "Beytszin Qoan" kolumbiyalı futbolçunun xidmətində maraqlıdır.
Hazırda Dortmund klubunda ildə təxminən 3 milyon avro qazanan Ramos keçid baş tutacağı təqdirdə 10 milyon avro civarında məbləğ əldə edəcək.
Qeyd edək ki, Adrian Ramos "Borussiya" forması ilə cari mövsümdə 7 oyunda meydana çıxıb. Bu qarşılaşmaların 4-də Ramos start heyətində yer alıb. O, 2 qol vurub və bir qol ötürməsi edib.
