"Azərbaycan yığmasının başqa turnirlərdəki oyunlarını izləmişdik. Rəqbimizi yaxşı tanıyırdıq". Sportnet.az-ın məlumatına görə, bunu FIFA-nın I vitse-prezidenti Valentin Qranatkinin xatirəsinə həsr olunmuş XXIX ənənəvi beynəlxalq turnirdə iştirak edən 1999-cu il təvəllüdlü futbolçulardan ibarət Qazaxıstan yığmasının baş məşqçisi Aleksandr Kuznetsov Azərbaycanla keçirilən görüşdən sonra deyib.
Baş məşqçi bu gün güclü komandaya qarşı mübarizə apardıqlarını bildirib: "Rəqib güclü komandadır, futbolçuların çoxu təcrübəlidir. Xüsusilə, topa yaxşı nəzarət edirlər. Ümumi götürsək, oyun çox xoşuma gəldi. Hər iki komanda yaxşı oynadı".
Qeyd edək ki, oyun 2:2 hesabı ilə başa çatıb.
