Türkiyənin "Trabzonspor" klubu heyətini "Beşiktaş"ın futbolçusu ilə gücləndirib. Sportnet.az-ın klub saytına istinadən verdiyi məlumata görə, Qaradəniz təmsilçisi Olcay Şahanla 3.5 illik müqavilə imzalayıb.
30 yaşlı yarımmüdafiəçi bu müddət üçün yeni klubundan 5 milyon 950 min avro qazanacaq. Müqaviləyə xitam verildiyi üçün isə "Beşiktaş"a 200 min avro ödəniləcək. Müqaviləyə əsasən, futbolçu cari mövsüm 850 min avro, növbəti mövsümlərin hər birində isə 1 milyon 700 min avro qazanacaq.
Qeyd edək ki, Olcay Şahan 2012-ci ildən "Beşiktaş"da çıxış edirdi.
