FİFA yığma komandaların 2017-ci ildə ilk reytinq siyahısını açıqlayıb. Sportnet.az-ın məlumatına görə, Azərbaycan millisinin mövqeyində heç bir dəyişiklik olmayıb.
Robert Prosineçkinin rəhbərlik etdiyi komanda hazırda 386 xalla 90-cı pillədədir. Ötən ay açıqlanan reytinq siyahısında da milli eyni mövqedə olub.
Azərbaycan millisinin 2018-ci il dünya çempionatının seçmə qrup mərhələsindəki rəqiblərinə gəldikdə, Almaniya 1433 xalla 3-cü, Şimali İrlandiya 767 xalla 32-ci, Çexiya 671 xalla 43-cü, San Marino 17 xalla 202-ci pillədə qalıb. 418 xalla 1 pillə irəliləyən Norveç isə 84-cüdür.
Qeyd edək ki, siyahının ilk 34 pilləsində dəyişiklik baş verməyib. Türkiyə 851 xalla 24-cü pillədə qalıbsa, Argentina 1634 xalla 1-ci, Braziliya 1544 xalla 2-ci pillədədir.
