Vyana Futbol Federasiyasının (WFV) təşkilatçılığı ilə Vyana Şəhər Hökümət evində 2015/2016 -cı il WFV liqalarında çempionluq titulu qazanmış futbol klublarının mükafatlandırma mərasimi keçirilib. Sportnet.az-ın məlumatına görə, mötəbər tədbirin açılışında iştirak edən Vyana şəhər İdman Naziri çempion olmuş klubları qələbə münasibəti ilə təbrik edib.
Sonra müxtəlif liqalarda qalib gələn klublar Vyana Şəhər İcra hakimiyyəti nümayəndələri, Vyana şəhər İdman Naziri və yerli futbol federasiyasının prezidenti tərəfindən diplom və medallarla təltif olunub.
Qeyd edək ki, "Karabakh Vyana" futbol klubu uğurlarını sadəcə əsas komanda ilə deyil, aşağı yaş qrupların təmsil olunduğu C liqasında davam etdirir. C liqasında qış fasiləsindən öncə keçirilən sonuncu 10-cu turda da qələbə qazanan "Karabakh Vyana"nın yeniyetmələrdən ibarət heyəti fasiləyə çempion kimi yollanıb. Klubun əsas hədəfi cari mövsüm uşaq və yeniyetmələrin təmsil olunduğu daha yüksək - B liqasına vəsiqə qazanmaqdır. Reqlamentə əsasən C Liqasında xallar U-14,U-16 və U-18 komandalarının bir turda qazandığı nəticələrin cəminə əsasən hesablanır.
