Qazaxıstanın "Okjetpes" klubunun futbolçusu Samir Məsimov Azərbaycanın 21 yaşadək futbolçulardan ibarət yığmasına (U-21) qarşı oyunu haqda danışıb. Sportnet.az-ın məlumatına görə, Antalyada 2:2 hesabı ilə nəticələnən matç haqda Peşəkar Futbol Liqasının rəsmi saytına fikirlərini bildirib.
Məsimov əsas heyətdə meydana çıxdığı matçda Azərbaycan millisinə qarşı oynamağın xoş olduğunu bildirib: "Tanıdığım futbolçuları gördüm, öz həmyaşıdlarımla görüşdüm. Yaxşı oyun alındığını düşünürəm, nəticə önəmli deyil”.
Xatırladaq ki, Məsimov vaxtilə U-21-də oynayıb.
