Azərbaycan millisinin futbolçusu Dəniz Yılmazın çıxış etdiyi Türkiyənin "Bursaspor" klubu heyətini yeni hücumçu ilə gücləndirib. Sportnet.az-ın məlumatına görə, "timsahlar" "Gənclərbirliyi"ndə forma geyinən Boqdan Stankunu heyətə cəlb edib.
29 yaşlı futbolçu bu gün Bakı vaxtı ilə saat 18:45-də Bursada "Akhisar"la keçiriləcək kubok oyununu izləyəcək. Rumıniyalı hücumçu sabah tibbi müayinədən keçəcək və tərəflər münasibətləri rəsmiləşdirəcək.
