"Artıq bir həftədir mövsümün ikinci yarısının hazırlığına start vermişik. Məşq prosesi yüksək səviyyədə davam edir. Məşqçilər korpusunun hazırladığı proqram üzrə çalışırıq. Komandada atmosfer hər zamankı kimi yüksəkdir. Həm istirahət vaxtımız, həm də məşqlərimiz maraqlı və zövqlü keçir”.
Sportnet.az-ın məlumatına görə, bunu "Qəbələ"nin futbolçusu Ürfan Abbasov Türkiyənin Antalya bölgəsindəki təlim-məşq toplanışını dəyərləndirərkən deyib. Yoxlama oyunları haqda da danışan Abbasov komandasının mövsümün ikinci yarısına yüksək səviyyədə hazır olacağına əmindir: "Baş tutan ilk yoxlama oyunundan razı qaldım. Bu gün növbəti sınağa çıxacağıq. Baş tutan məşqlər sayəsində oyundan-oyuna artıracağımıza inanıram. Təlim-məşq prosesini bu tempdə davam etdirməklə mövsümün həlledici hissəsinə yüksək səviyyədə hazır olacağıq. Bu mövsüm hədəflərimiz yüksəkdir. Premyer Liqa və kubokdakı çıxışımızı uğurla davam etdirmək üçün bütün futbolçular məşqlərdə səylə çalışır”.
Qeyd edək ki, "Qəbələ" ilk yoxlama matçında Albaniyanın "Partizani" komandasına uduzub - 1:2.
