Türkiyənin "Gənclərbirliyi" klubu heyətini yeni futbolçu ilə gücləndirib. Sportnet.az-ın məlumatına görə, Ankara təmsilçisi Braziliyanın "Atletiko Paranaense" klubunda çıxış edən Badi ilə müqavilə imzalayıb.
Müqavilə mərasimi Türkiyədəki xəstəxanaların birində keçirilib. Buna səbəb klub prezidenti İlhan Cavcavın xəstəxanada müalicə almasıdır.
Badi yerli mətbuata açıqlamasında bunun qeyri-adi müqavilə olduğunu bildirib. O, avtomobildə olarkən imza mərasiminin xəstəxanada keçiriləcəyindən xəbərsiz olduğunu söyləyib.
