İspaniyanın "Real Madrid" klubu iki futbolçusunun xidmətindən məhrum olub. Sportnet.az-ın məlumatına görə, "Malaqa" ilə İspaniya Primerasının XIX tur matçında müdafiəçi Marselo ilə yarımmüdafiəçi Luka Modriç zədələnib.
Onlar 3-4 həftə oynamayacaqlar. "Kral klubu"nun zədəliləri sırasında Daniel Karvaxal, Pepe və Qaret Beyl də var.
Qeyd edək ki, Marselo bu mövsüm İspaniya çempionatında 15 oyuna 1 qol və 3 məhsuldar ötürmə, Luka Modriç isə 11 oyuna 1 qol və 2 məhsuldar ötürmə müəllifi olub. "Malaqa" ilə görüş "Real Madrid"in qələbəsi ilə yekunlaşıb - 2:1.
