Türkiyə Super Liqasının turnir cədvəlinə başçılıq edən "Başakşehir" cari mövsümdə ilk dəfə məğlub olub. Sportnet.az-ın məlumatına görə, komanda "Fənərbağça" ilə oyunu 0:1 hesabı ilə uduzub.
Aktivində 39 xal olan "Başakşehir"in bu məğlubiyyəti 316 gündən sonra qeydə alınıb. Cari mövsümün 17 oyununda uduzmayan Abdullah Avcının komandası ötən mövsümün son 9 oyununda da meydanı xalsız tərk etməyib.
Komandanın sonuncu məğlubiyyəti ötən mövsümün 25-ci turunda "Osmanlıspor"la oyunda qeydə alınıb - 2:3.
