Türkiyənin "Bursaspor" klubunun Azərbaycan millisinin Robert Prosineçki ilə anlaşmaq cəhdləri davam edir. Sportnet.az-ın bursa.com-a istinadən məlumatına görə, klub xorvatiyalını Azərbaycandan aparmaq üçün Bursa millət vəkili Hüseyin Şahin və əmək və sosial müdafiə naziri Mehmet Müezzinoğlundan kömək istəyib.
Onlar AFFA prezidenti Rövnəq Abdullayevin "hə" cavabı verməsi üçün danışıqlar aparacaq.
Bundan başqa Prosineçkinin bu gün saat 10:00-da klubun Bakıda olan nümayəndələri ilə görüşəcəyi də bildirilib.
Qeyd edək ki, Hamza Hamzaoğlu ilə yollarını ayıran "Bursaspor" baş məşqçi vəzifəsində Robert Prosineçkini görmək istəyir. AFFA və müqaviləı müddəti davam edən baş məşqçi təklifi qəbul etməsə də, Bursa təmsilçisi danışıqları davam etdirir.
