Gəncənin "Kəpəz" klubu Azərbaycan Premyer Liqasının XV turunda Bakıda "İnter"lə keçiriləcək oyuna itkilərlə çıxacaq. Sportnet.az-ın məlumatına görə, qarşıdakı matçda gəncəlilər üç futbolçusunun xidmətindən yararlana bilməyəcək.
Müdafiəçi Şəhriyar Əliyev və yarımmüdafiəçi Vüqar Bəybalayev xəstələnib. Onlar soyuqdəymədən əziyyət çəkdiyindən meydana çıxmayacaq. Tibb personalı sabah təkrar müayinə ilə Bəybalayevin durumunu bir daha nəzərdən keçirəcək.
Müdafiəçi Renan Alveş isə cəzalıdır. Braziliyalı ötən ilin sonunda "Qəbələ” ilə səfər oyununda qırmızı vərəqə alıb.
