"Zirə"nin sabiq legioneri Nelson Bonilla karyerasını Türkiyədə davam etdirəcək. Sportnet.az-ın məlumatına görə, Salvador millisinin 27 yaşlı hücumçusu I liqa təmsilçisi "Qaziantep Böyükşehir Bələdiyyəspor"a keçdiyini sosial şəbəkədə açıqlayıb.
Artıq Qaziantep şəhərində olan Bonilla paylaşdığı fotoda birgə olduğu nümayəndələrə bu transferə görə minnətdarlıq edib: "Dəstəyə görə sağ olun. Siz mənim üçün ən yaxşı komandasınız. Hər şeyə görə Allaha minnətdaram".
"Zirə"dən ötən yay Portuqaliyanın yüksək liqa təmsilçisi "Nasyonal"a keçən futbolçu burada az oynadığından, özünü narahat hiss etdiyindən getməyə qərar verib. O, 14 matçda 2 qol vurub.
Türkiyə Nelsonun karyerasında legioner həyatı yaşadığı 4-cü ölkədir. O, Azərbaycan və Portuqaliyadan öncə Rumıniyada "Vitorul"da oynayıb.
Xarırladaq ki, Bonilla "Zirə"nin Premyer Liqada keçirdiyi debüt mövsümündə 29 oyunda 14 qollla bombardiri oub.
