"Qəbələ"nin son transferi olan Daniel Subotiç debüt edib. Sportnet.az-ın məlumatına görə, 28 yaşlı isveçrəli hücumçu 3 ilə yaxın, 33 aylıq fasilədən sonra Azərbaycan Premyer Liqasına qayıdıb. Bu, "Neftçi" ilə hazırda davam edən ev oyununun 58-ci dəqiqədə reallaşıb. Daniel fransalı həmkarı Baqali Dabonu əvəzləyib.
"Qırmızı-qaralar"a Moldovanın "Şerif" klubundan gələn Subotiç əvvəl olduğu kimi "31 nömrə"li formanı daşıyır.
Xatırladaq kiu, Daniel 2013/14 mövsümündə "Qəbələ"də oynayıb. O, Premyer Liqanın bürünc medalını və Azərbaycan Kubokunun finalında iştirak edib. Legioner həmin çempionatda vurduğu 12 qolla "qırmızı-qaralar"ın bombardiri olub.
