Azərbaycan milli komandasının futbolçusu Pavel Paşayevin çıxış etdiyi Ukraynanın "Stal" klubu yeni stadiona köçür. Sportnet.az-ın məlumatına görə, ev oyunlarını Dneprdə, "Meteor" stadionunda keçirən Kamensk təmsilçisi daha rahat arenada əqiblərini qəbul edəcək.
Bu, "Dnepr-Arena" olacaq. "Stal" ev oyunlarını yazdan həmin stadionda keçirəcək.
Xatırladaq ki, klub rəhbərliyi daha öncə doğma şəhərə qayıtmaqla bağlı planlarını 2017/18 mövsümündən həyata keçirəcəklərini açıqlamışdılar. Hazırda yenidənqurma işləri ilə əlaqədar bağlı olan stadionun 8 min tamaşaçı tutumuna malik olacağı gözlənilir.
