"Neftçi” ilə oyuna çox ciddi hazırlaşırıq. İlk oyunda 2:0 hesabı ilə qalib gəlsək də, arxayın ola bilmərik. Biz oyuna qələbə üçün çıxacağıq və bizim üçün matç 0:0-dan başlayacaq”.
Bu sözləri Sportnet.az-a açıqlamasında "Qarabağ”ın futbolçusu Vüqar Nadirov Azərbaycan Kubokunun yarımfinal mərhələsinin bu gün keçiriləcək cavab görüşü barədə danışarkən deyib.
Ağdam klubunun hücumçusu bu matçda meydana çıxmaq üçün baş məşqçidən şans gözləyəcəyini bildirib: "Təbii ki, hər zaman "Qarabağ” üçün oynamağa, meydanda canımı qoymağa hazıram. Baş məşqçi şans verərsə, çıxıb komandama xeyir verəcəm. İstənilən halda komandamın uğuru məni sevindirir. Finala adlamaq üçün sona qədər mübarizə aparacağıq”.
Qeyd edək ki, Tofiq Bəhramov adına Respublika stadionunda keçiriləcək "Qarabağ" - "Neftçi" matçı saat 19:30-da başlanacaq.
