Azərbaycan Premyer Liqasının son turunda "Qarabağ”a 1:2 hesablı ilə uduzan "Kəpəz” bu gündən məşqləri bərpa edir.
Sportnet.az-ın klubun saytına istinadən verdiyi məlumata görə, matçdan sonra bərpaedici proseduradan keçib, bir gün istirahət edən "sarı-göylər” saat 16:00-da məşqə çıxacaq.
Gəncə təmsiçisi aprelin 7-nə kimi Azərbaycan Dövlət Bədən Tərbiyəsi və İdman Akademiyasının stadionunda hazırlıq keçəcək.
Komandanın heyətində zədəli və cəzalı futbolçu yoxdur. Nicat Qurbanov və Şəhriyar Rəhimov cəza dövrünü başa vurduğundan aprelin 9-da "Neftçi”yə qarşı matçda oynaya biləcək.
Qeyd edək ki, "Kəpəz” – "Neftçi” oyunu saat 16:00-da başlayacaq.
