Almaniyanın Dortmund şəhərində yerli "Borussiya"nın avtobusunun qarşısında partlayış baş verib.
Sportnet.az-ın məlumatına görə, hadisə vaxtı komanda Çempionlar Liqasında Fransa "Monako"su ilə ilk 1/4 final oyununa gedirmiş. Stadiona çatmağa 10 km qalmış 3 partlayıcı qurğunun işə düşməsi nəticəsində yarımmüdafiəçi Mark Bartra xəsarət alıb. Ona şüşə qırıntıları dəyib. Bartra xəstəxanaya yerləşdirilib. Polis hadisə yerinə böyük qüvvə cəlb edib. Partlayışın bilərəkdən olub-olmadığı yoxlanılır.
Hadisə ilə əlaqədar görüş aprelin 11-nə təxirə salınıb. Matç sabah Bakı vaxtı ilə saat 20:45-də başlanacaq.
