İspaniya "Barselona"sı qapıçı Mark-Andre ter Ştegenlə müqavilənin uzadılmasına dair razılığa gəlib.
Sportnet.az-ın "Mundo Deportivo"ya istinadən verdiyi məlumata görə, Almaniya yığmasının qolkiperi 5 illik yeni anlaşmaya imza atacaq.
24 yaşlı oyunçunun hazırkı anlaşması 2019-cu ilin yayınadək qüvvədə olacaq.
Ter Ştegen ötən mövsüm İspaniya çempionatında oyun praktikasının olmamasından şikayətlənib. Əksər matçlarda meydana komandanın sabiq qapıçısı Klaudio Bravo çıxıb. Lakin Bravonun İngiltərənin "Mançester Siti" klubuna keçidi bütün sualları aradan qaldırıb.
