Bakı "İnter”nin daha bir futbolçusu Rauf Əliyev də yay fasiləsində "Neftçi”yə keçə bilər.
Sportnet.az-ın əldə etdiyi məlumata görə, paytaxt təsmilçisi 27 yaşlı hücumçu heyətində görməkdə israrlıdır. Əliyevin xidmətində maraqlı olan digər klub isə
"Zirə”dir. Avropa Liqasına vəsiqəni böyük ölçüdə təmin edən qəsəbə təmsilçisi təcrübəli hücumçu ilə güclənməyi planlaşdırır.
Təkliflərə rəğmən, Əliyevin özü "İnter”də qalmaq istəyir. O, hazırkı klubunda şərtlər qane etməyəcəyi təqdirdə, digər variantları gözdən keçirəcək.
Qeyd edək ki, Rauf Əliyev 2015-ci ilin yanvarından iyunadək "Neftçi”nin formasını geyinib. Hazırda "İnter”də çıxış edən Səlahət Ağayev, Tərlan Quliyev və Nizami Hacıyevin də yayda "ağ-qaralar”la müqavilə bağlayacağı bildirilir.
