Bu gün Heydər Əliyevin xatirəsinə həsr olunmuş futbol üzrə Naxçıvan Kubokuna start veriləcək. Sportnet.az-ın məlumatına görə, Naxçıvan Muxtar Respublika Stadionunda keçiriləcək yarışa 4 komanda – "Araz Naxçıvan”, "Mil-Muğan”, "Zaqatala” və MOİK qatılacaq.
Artıq Naxçıvanda olan komandalar son məşqlərinə çıxıblar. Eyni zamanda, Peşəkar Futbol Liqasının (PFL) və komanda nümayəndələrinin iştirakı ilə püşkatma mərasimi keçirilib. Bundan əlavə, yarışın əsasnaməsi barədə klublara məlumat verilib. Püşkə əsasən, cütlər belə müəyyənləşib:
26 may
12:00. "Araz Naxçıvan” – "Mil-Muğan”
17:00. "Zaqatala” – MOİK
Qeyd edək ki, yarış Naxçıvan Muxtar Respublikası Gənclər və İdman Nazirliyinin və PFL-in təşkilatçılığı ilə keçiriləcək.
