"Səbail"in məşqçisi Səttar Əliyevin Sportnet.az-a müsahibəsi...
- "Sumqayıt"la 2:2 hesabı sizi razı saldı?
- Nəticə bizim üçün o qədər də önəmli deyildi. Çünki hazırlıq dövrü gedir. Biz əsas fikrimizi komandanın fiziki hazırlığına vermişik. Əsas odu ki, boşluqları və çatışmazlıqlarımızı gördük. Hansı oyunçularla yolumuza davam edəcəyik, hansılarını yola salacağıq, bunları da gördük.
- Komanda yeni oyunçular dəvət edəcək?
- 4-5 oyunçu var ki, onlarla danışıqlarımız gedir. Ayın 10-da Türkiyəyə təlim-məşq toplanışına yollanacağıq. Orada da altı yoxlama oyunumuz olacaq. Türkiyədəki toplanışda əsas məqsəd komandanı tam komplektləşdirib, Premyer Liqaya hazır etməkdir.
- Hansı oyunçularla yollarını ayıracaqsınız?
- Komandada baxışda olan oyunçular var. Onlara baxdıq və qərarımızı verəcəyik. Bizi qane etməyən oyunçular var ki, onlarla yollarımızı ayıracağıq. 10 gündə bəlkə də 100 futbolçuya baxmışıq. Onların içərisindən seçdiklərimiz olacaq.
- Əcnəbi oyunçuları transfer etmək qadağası qoyulub sizə? Yerli oyunçularla Premyer Liqada mübarizə aparmaq çətinlik yaratmayacaqki?
- Kim deyir ki, bizə legioner transferi qadağası qoyulub? Xeyr, belə bir şey yoxdur. Legioner oyunçularımız olacaq. Elə hazırda da danışıqlar gedir. Ən azı dörd legionerimiz olacaq. Gürcüstandan gələn legionerin oyunu da bizi qane etdi. Ehtiyat oyunçu kimi də olsa, onu saxlamaq fikrimiz var. Məşqçilər korpusu ilə oturub, seçdiyimiz futbolçularla boşluqları dolduracağıq. Avropa Liqasına vəsiqə qazanmaq uğrunda mübarizə aparmayacağıq. Premyer Liqada oynamayan azərbaycanlı uşaqlardan da istifadə edəcəyik. Tapıntı kimi ortalığa çıxaracağıq.
