Vild-Donald Guerrierlə ikiillik müqavilə imzalandı
2017/18-ci illər mövsümü üçün nəzərdə tutulan transfer pəncərəsi zamanı "Qarabağ"ımız növbəti transferi reallaşdırıb. Yarımmüdafiəçi mövqeyinə transfer etməyi planlaşdıran klubumuz uzun müddətdir davam edən prosesi uğurla tamamlayıb. "Qarabağ"ımız Haiti millisinin üzvü olan və ötən mövsüm Türkiyə Superliqasında "Alanyaspor”da forma geyinən Vild-Donald Guerrierin keçidini rəsmiləşdirib. Yarımmüdafiəçiylə ikiillik müqavilə imzalanıb.
Futbolçu peşəkar karyerasına ölkəsinin "Amerika De Ke” klubunda başlayıb və 2013-cü ilin yayında Polşanın "Visla” klubuna transfer olunub. 2013-2016-ci illərdə "Visla”da 75 oyuna çıxan Guerrier 20 qolla yadda qalıb. Geridə qalan mövsümdə isə yarımmüdafiəçib"Alanyaspor” formasıyla 20 oyunda 4 qola imza atıb.
2010-cu ildən Haiti millisinə dəvət alan 28 yaşlı futbolçu yığma komandada 37 oyunda 8 dəfə fərqlənib.
