AFFA-nın baş katibi Elxan Məmmədov "İnter” – "Mladost” matçından sonra jurnalistlərin suallarını cavablandırıb.
Sportnet.az həmin müsahibni təqsim edir:
- "Zirə” və "İnter” hər iki matçda qalib gələrək II təsnifat mərhələsin yüksəldi. Yaxşı başlanğıcdır?
- Hər iki komanda bizi çox sevindirdi. Əslində ilk matçalardan sonra bu nəticələri gözləyirdik. "Zirə”nin də səfərdə qələbə qazanması çox xoş oldu. Gözəl uğurdur. Mübarizəyə gələn həftədən qoşulacaq "Qarabağ”a və "Qəbələ”yə uğur arzulayıram.
- "İnter”in aqibəti necə olacaq?
- Açığı, bununla bağlı deyəcəyim çox şey yoxdur. Bizim üçün də gözlənilməz oldu. Lakin çıxış yolu tapdıq. "İnter” "Dalğa Arena”da məskunlaşacaq, bura köçəcək. Uşaq komandaları isə çox güman ki, Olimpiya Stadionunda hazırlaşacaqlar.
- "Dalğa Arena” tamamən "İnter”in olur?
- Tam deyil, şərikli.
- Ad dəyişməyəcək ki?
- Xeyr, "Dalğa Arena” olacaq yenə.
- "Şəfa”nın adı necə olacaq?
- Bu sualla "Aqrarkreditbank” və "Beynəlxalq Bank”a müraciət etmək lazımdır.
- AFFA-da işçilər arasında dava olması haqqında mətbuatda xəbərlər yayılıb...
- Yalan məlumat yayılıb. Mübahisə hər iş yerində olur. Kiçik mübahisə olmuşdu, onu da həll etdik. Heç kim işdən çıxarılmayıb. Ərizə yazan olub, ancaq heç kim çıxarılmayıb.
- Robert Prosineçki son günlər görsənmir...
- O, tətilə gedib. Bildiyiniz kimi, övladları burda təhsil alırdılar. Onlarla birlikdə dincəlir. Ancaq bizdən cədvəli alıb və bəzi səfər oyunlarına getməyi planlaşdırır.
- Millinin baş məşqçisi ilə yeni müqavilə olacaq?
- Bu məsələ ilə bağlı oktyabrda danışıqlar aparacağıq. Düşünürəm ki, tez başlamaq olmaz.
- Sentyabrdakı iki oyundan əvvəl yoldaşlıq matçı gözlənilir?
- Heç bir oyun olmayacaq. Çünki həmin vaxt milli çempionat davam edəcək. Milli Bakıda toplaşacaq, oyuna iki gün qalmış Norveçə yollanacaq. Oyun gecəsi də geri dönüb dönüb növbəti matça hazırlaşacaq.
