FİFA 6 iyuldan etibarən Sudan Futbol Assosiasiyasının fəaliyyətini dayandırıb.
Sportnet.az-ın ESPN telekanalına istinadən verdiyi məlumata görə, buna səbəb bu ilin aprelində Abdel Rəhman Sir əl-Hatimin qanunsuz seçkilərdən sonra prezident postunu tutmasıdır.
Qərara əsasən, Sudan FİFA üzvlüyünə dair bütün hüquqlarını itirib.
Qeyd edək ki, Abdel Rəhman Sir əl-Hatim vəzifəsindən getməyənə qədər Sudan yığması və bu ölkənin klubları ali futbol qurumunun bayrağı altında keçirilən yarışlarda iştirak edə bilməyəcəklər.
