"Xəzər Lənkəran" klubu Topaz Premyer Liqasıın V turunda "Neftçi" ilə keçirəcəyi səfər matçına Bakıda davam etdirir. Sportnet.az-ın məlumatına görə "İnter"lə ev oyunundan sonra qısamüddətli istirahətə buraxılan komanda artıq üç gündür məşqlərə davam edir.
Rahid Əmirquliyev, Rauf Əliyev və Rasim Ramaldanov Azərbaycan milli komandasının, Ağabala Ramazanov U-21 millisinin, Alfred Sanko isə Syerra Leone yığmasının heyətində, Orxan Sadıqlı isə zədəli olduğu halda, bütün digər futbolçular baş məşqçi Oğuz Çetinin rəhbərliyi altında hər gün 2 məşq keçməklə növbəti tura hazırlığı davam etdirirlər.
Əsas komanda ilə məşq edən futbolçuların sırasında əvəzedici heyətin də bir nəçə üzvü var. Bunlar Elvin Mirzəyev, Ruslan Cəfərov, İlqar Əlkbərov, Bəhruz Teymurov, Kamran Abdullazadə və Elsevər Bəkirzadədir.
Qeyd edək ki, "Neftçi" - "Xəzər Lənkəran" matçı gələn həftəsonu olacaq. Hələlik matçın dəqiq vaxtı və yeri açıqlanmayıb.
