Zaqatalanın "Simurq" klubunda futbolçulara verilmiş üç günlük istirahət başa çatıb. Sportnet.az-ın məlumatına görə, əyalət klubu bu gündən məşqlərini bərpa edib.
Zaqatalada bir araya gələn "Simurq" "Qəbələ" ilə oyunun hazırlıqlarına Azərbaycan milli komandasının heyətində olan İlkin Qırtımov, Vadim Abdullayev və Rəşad Eyyubovsuz başlayıb.
Qeyd edək ki, ötən tur "Neftçi" ilə səfər matçında 1:2 hesabı ilə uduzan "Simurq" yeni mövsümdə ilk məğlubiyyətlə üzləşib. Hazırda Zaqatala komandası 6 xalla turnir cədvəlinin dördüncü pilləsində qərarlaşıb. Növbəti turda rəqib "Qəbələ" klubu olacaq. Oyun oktyabrın 13-də keçiriləcək.
