Sentyabrın 9-da Azərbaycan milli komandası ilə 2016-cı il Avropa çempionatının seçmə qrup matçında üz-üzə gələcək Bolqarıstan yığmasının səfər proqramı müəyyənləşib. Sportnet.az-ın məlumatına görə, çarter reysi ilə gələcək qonaq komanda Bakı vaxtı ilə saat 12:00-da Sofiyadan yola çıxacaq.
Saat 20:30-da "Bakcell Arena"da Bolqarıstan milli komandasının mətbuat konfransı, saat 21:00-da isə ilk 15 dəqiqəsi mətbuat üçün açıq məşqi olacaq.
Qeyd edək ki, oyun sentyabrın 9-da saat 21:00-da "Bakcell Arena”da baş tutacaq.
