Futbol üzrə İtaliya "Roma”sının futbolçusu Edin Ceko sentyabr ayında komandanın ən yaxşı futbolçusu seçilib.
Sportnet.az paytaxt klubunun rəsmi saytına istinadən xəbər verir ki, bosniya və herseqovinalı hücumçu sentyabrın 27-də Bakıda "Qarabağ"ı 2:1 hesabı ilə yendikləri Çempionlar Liqasının II tur matçının 15-ci dəqiqəsində "Roma"nın ikinci topunun müəllifi olub. 31 yaşlı forvard ötən ay İtaliya A Seriyasında "Udineze”, "Verona” və "Benevento”nun da qapısına yol tapmaqla, ümumilkdə 6 qol vurub. O, azarkeşlər arasındakı səsvermədə Alison Beker, Aleksandr Kolarov və Stefan əl-Şaaravini qabaqlayıb.
