Azərbaycan Premyer Liqasının IX turunda "Zirə” ilə keçirəcəyi oyun ərəfəsində "Sumqayıt" komandası növbəti məşqinə çıxıb.
Sportnet.az-ın klubun rəsmi saytına istinadən məlumatına görə, "Kapital Bank Arena”da baş tutan məşqə "Qəbələ” ilə qarşılaşmada zədələnmiş Vüqar Bəybalayev də qatılıb. Bundan başqa, əvəzedici heyətin 3 üzvü də komanda ilə birlikdə çalışıb. Məşqin əvvəlində toplu çalışmalara üstünlük verən "Sumqayıt” hazırlığı ikitərəfli oyunla yekunlaşdırıb.
Qeyd edək ki, oktyabrın 21-də keçiriləcək "Sumqayıt” – "Zirə” qarşılaşması saat 17:00-da başlanacaq. Görüş "CBC Sport” telekanalı ilə canlı yayımlanacaq.
