"Belə vəziyyətlərdə bir yerdə olmalıyıq. Azarkeşlər bizi dəstəkləməlidirlər. Hazırda uğursuzluq zolağındayıq”.
Sportnet.az "Marca”ya istinadən xəbər verir ki, bunu İspaniya təmsilçisi "Atletiko”nun futbolçusu Dieqo Qodin Çempionlar Liqasının (ÇL) qrup mərhələsinin IV turunda "Qarabağ”la 1:1 hesablı heç-heçəni şərh edərkən deyib.
O, bildirib ki, indiki durumda daha çox çalışmalı və bir-birlərinə dayaq olmalıdırlar. 31 yaşlı uruqvaylı mərkəz müdafiəçisi azarkeşlərin futbolçuları fitə basmalarını normal qarşıladığını söyləyib: Özümə tənqidi yanaşmalıyıq, kənarda səbəb axtarmamalıyıq. Qalib gəlmək məcburiyyətində olanda, meydana başqa əhval-ruhiyyədə çıxırsan və daha çox risk edirsən. Hazırkı durumda ÇL-dən kənarda qalırıq. Artıq hər şey özümüzdən asılı deyil. Bizi bu vəziyyətdən yalnız Dieqo Simeone çıxarda bilər”.
Qeyd edək ki, 4 turdan sonra İtaliya təmsilçisi "Roma” 8 xalla C qrupunun lideridir. İngiltərənin "Çelsi” komandasının 7, "Atletiko”nun 3, "Qarabağ”ın isə 2 xalı var.
