"Bakı” klubunun baş məşqçisi: "Oyun istədiyimiz kimi gedirdi. Erkən qol bizi irəli atdı". Sportnet.az-ın məlumatına görə, bunu "Sumqayıt"a 1:2 hesabı ilə uduzan "Bakı"nın baş məşqçisi İbrahim Uzunca deyib.
Türkiyəli mütəxəssis bildirib ki, oyun öncəsi məşq etməmələri oyunun gedişində özünü göstərib: "İki səhvdən sonra qollar buraxdıq və uduzduq. Mən uşaqlardan razıyam, qarşıdakı oyunlarda xal, eyni zamanda qələbə də qazanacağıq. Ən qısa zamanda maddi durumun düzələcəyinə inanıram. Biz mübarizə aparan bir komandayıq, amma problemlər də sözünü deyir. İstənilən halda, "Bakı”nın adını qoruyub-saxlamaq üçün çalışırıq. Çatışmazlıqların üzərində çalışmalıyıq”.
