Avro-2016-nın qrup mərhələsinə məğlubiyyətlə başlayan Macarıstan milli komandası baş məşqçisiz qaldı. 2013-cü ildən milliyə rəhbərlik edən 48 yaşlı macar Attila Pinterlə müqavilə artıq ikitərəfli razılıq əsasında pozulub.
Sportnet.az Macarıstan Futbol Federasiyasının rəsmi internet saytına istinadən xəbər verir ki, Şimali İrlandiyaya uduzması rəhbərliyi qəzəbləndirib. Doğma azarkeşlər qarşısında ortabab komandaya boyun əyən macarlara müvəqqəti olaraq Pal Darday başçılıq edəcək.
Qeyd edək ki, Şimali İrlandiya DÇ-2014-ün seçmə mərhələsində milli komandamızla eyni qrupda mübarizə aparmışdı. Belfastdakı matçda qələbəni son saniyələrdə əldən verən (1:1) Berti Foqtsun komandası "Bakcell Arena"dakı cavab oyununda əvəzini çıxmışdı - 2:0.
