"İnanıram ki, insanlar nəyə görə Avro-2020-ni müxtəlif şəhərlərdə keçirmək istədiyimizi tezliklə başa düşəcəklər və bunun əla ideya olduğunu dərk edəcəklər".
Sportnet.az-ın məlumatına görə, Avro-2020-nin keçiriləcəyi şəhər seçimlərindən sonra qurumun rəsmi saytına müsahibə verən UEFA prezidenti Mişel Platini ideyanın ümidləri doğruldacağını deyib:
"Bu qərar indi çoxları üçün təəccüblü ola bilər, hətta narazılıq edənlər var. Amma bir faktı başa düşmək lazımdır ki, futbol dünyəvi oyundur. Əksər ölkələr mötəbər turnirlərə ev sahibliyi etmək arzusundadı, çoxlarının buna imkanı yoxdu. Hətta elə ölkələr var ki, belə turnirlərdə iştirak belə, etməyiblər. Ona görə hesab edirəm ki, insanlar 13 şəhərdə baş tutacaq qitə birinciliyindən zövq alacaqlar. Bizi möhtəşəm futbol bayramı gözləyir".
