Türkiyədə təlim-məşq toplanışında olan "Zirə” bu gün son yoxlama oyununa çıxıb.
Sportnet.az-ın məlumatına görə, rəqib Macarıstanın "Haladaş” klubu olub. "Arcadia” otelinin meydanında keçirilmiş matç "Haladaş"ın qələbəsi ilə yekunlaşıb - 2:1. Hər 3 qol oyunun əvvəllərində vurulub. 4 dəqiqə ərzində qapısında 2 top görən "Zirə"nin təsəlli qoluna Vüsal İsgəndərli imza atıb. Qollardan əvvəl isə Azərbaycan klubunun qapıçısı Kamal Bayramov rəqibin penalti zərbəsini dəf edib.
Qeyd edək ki, "Zirə” bundan əvvəl Rumıniya "Voluntari”sinə qalib gəlib (2:0), Rusiya "Avanqard”ına isə uduzub (0:3).
Yoxlama oyunu
16:00. "Zirə" - "Haladaş" - 1:2
Qollar: Vüsal İsgəndərli, 16 - Karol Mezaroş, 12. Ramos Müke, 15
9-cu dəqiqəsində rəqib penaltidən yararlana bilməyib. Kamal Bayramov zərbəni dəf edib.
"Zirə”: Kamal Bayramov, Yovan Krneta, Adil Nağıyev, Sadiq Quliyev, Tellur Mütəllimov, Aleksandr Şemonayev, Elşən Abdullayev, Vüsal İskəndərli, Milan Duriç, İlkin Muradov, Riçard Qadze
Haladaş: Qabor Kiray, Stef Uils, Zaboloş Şhimmer, Predraq Bosnyak, Milan Nemet, Lorant Kovaç, Mark Yaqodiks, Karol Mezaroş, Ras Barnabas, Ramos Müke, Peter Halmoş
