"Neftçi” martın 4-də Topaz Premyer Liqasının 18-ci turu çərçivəsində "Qəbələ” ilə qarşılaşacaq.
Sportnet.az xəbər verir ki, Qəbələ şəhər stadionunda keçiriləcək oyun saat 15:30-da start götürəcək. "Ağ-qaralar" şəhərin eyni adlı təmsilçisi ilə indiyədək 38 çempionat oyununda üz-üzə gəlib. Bunlardan 15-də "Neftçi", 15-də "Qəbələ" qalib gəlib. Top fərqi "qırmızı-qaralar"ın xeyrinədir – 48:50.
Bu mövsümün ilk hissəsindəki oyunlara gəlincə, "Neftçi" hər iki görüşdə meydanı məğlub tərk edib. Qəbələ şəhər stadionunda keçirilmiş oyunun ilk hissəsində qapısından 2 top buraxan "Neftçi” fasilədən sonra bunlardan birinin əvəzini çıxmağı bacarıb, Namik Ələskərov fərqlənib – 2:1. "Bakcell Arena”da isə paytaxt klubu Emin Mahmudov və Kirilo Petrovun qolları ilə hesabda iki dəfə önə keçsə də, son nəticədə uduzub – 2:3.
