"Neftçi” komandası Topaz Premyer Liqasının XIX turunda "Keşlə” ilə keçirəcəyi oyun öncəsi bu gün İsmət Qayıbov adına təlim-məşq bazasında məşqə çıxıb. Sportnet.az-ın məlumatına görə, qapıçı Rəşad Əzizli Neftçi TV-yə açıqlamasında "Keşlə” ilə oyuna hazırlığı dəyərləndirib.
O bildirib ki, "Qəbələ"ni ötən tur səfərdə 2:1 hesabı ilə yendikdən sonra komandada özünəinam daha da artıb: "Hər birimiz inanırıq ki, daha da yaxşı nailiyyətlər qazanmağa hazırıq. Azarkeşlərə təşəkkürümüzü bildiririk ki, son oyunda da bizə dəstək oldular. Onların sayəsində qələbə qazandıq. "Keşlə” ilə matçda da azarkeşləri tribunalarda görmək istəyirik, çünki onların dəstəyinə çox ehtiyacımız var”.
Qeyd edək ki, martın 9-da "Bakcell Arena”da keçiriləcək "Keşlə” – "Neftçi” oyunu saat 18:00-da başlanacaq.
