"Qarabağ"ın qapıçısı İbrahim Şehiçin Bosniya və Herseqovina milli komandasında əsas heyət üzvünə çevrilmək imkanı yaranıb.
Sportnet.az-ın məlumatına görə, yığmanın baş məşqçisi Robert Prosineçki bu gün Bolqarıstan və Seneqalla yoldaşlıq oyunları üçün açıqladığı siyahıda İngiltərə "Bornmut"unda çıxış edən əsas qapıçı Asmir Beqoviçə yer verməyib.
Xorvatiyalı mütəxəssis bunu Beqoviçin "Tottenhem"lə Premyer Liqa matçında zədələnməsi ilə əlaqələndirib: "Asmir mənə dedi ki, dizində problemləri var. O, qarşıdakı yoldaşlıq görüşlərinə çağırılmamasını xahiş etdi. Mən də dəvət etmədim".
Qeyd edək ki, Bolqarıstanla oyun martın 23-də, Seneqalla görüş isə 27-də olacaq.
