"Rəqibi yaxşı analiz etmişdik. Güclü futbolçulara malik olduqlarını bilirdik".
Sportnet.az-ın məlumatına görə, bunu Azərbaycan milli komandasının futbolçusu Ürfan Abbasov Türkiyənin Antalya bölgəsində Makedoniya yığması ilə 1:1 hesablı heç-heçə etdikləri yoldaşlıq görüşündən sonra deyib. Gənc müdafiəçi baş məşqçi Qurban Qurbanovun tapşırıqlarını yerinə yetirməyə çalışdıqlarını bildirib. O, ələ düşən fürsətlərdən yararlana bilmədiklərini söyləyib: "Bu oyun bizim üçün yaxşı alındı. Bir neçə qol epizodu yaratsaq da, təəssüf ki, istifadə edə bilmədik. Reallaşdırsaydıq, nəticə fərqli olacaqdı”.
