Özbəkistanlı futbolçu Bahodir Nasimovun "Neftçi”dən göndərilmə səbəbi məlum olub. Bu barədə Sportnet.az-a klubun vitse-prezidenti Tahir Süleymanov məlumat verib.
Onun sözlərinə görə komandada yeni nəfəsə ehtiyac olduğu üçün bu addım atılıb. Klub rəsmisi yeni mövsümdən daha çox gənclərə şans verəcəklərini deyib.
Qeyd edək ki, Özbəkistan millisinin də üzvü olan 27 yaşlı hücumçu 2010-cu ildə Rusiyanın "Rubin” klubundan "Neftçi”yə keçmişdi. Paytaxt klubu yaxın günlərdə müqaviləsi başa çatan futbolçuya yeni anlaşma təklif etmədən onunla yolları ayırıb.
