"Neftçi”nin 4 futbolçusu Azərbaycanın U-20 milli komandasına dəvət olunub.
Sportnet.az xəbər verir ki, Kamran İbrahimov, Anton Krivotsyuk, Əli Şirinov və Qədir Bayramlı mayın 12-dən 28-dək Bakıda keçiriləcək təlim-məşq toplanışına qatılacaqlar.
Yığmamız hazırlıq prosesi çərçivəsində mayın 16-da Gürcüstanın U-20, ayın 24-də və 27-də isə Makedoniyanın U-21 milli komandaları ilə yoldaşlıq oyunu keçirəcək. Bütün görüşlər "Dalğa Arena”da olacaq və saat 19:00-da başlanacaq.
