Türkiyənin "Qalatasaray" klubunun azarkeşini it dişləyib. Sportnet.az-ın DHA-ya istinadən verdiyi məlumat görə, İstanbul təmsilçisinin azarkeşi Almaniyada polis itinin hücumuna məruz qalıb.
Gelzenkirxen şəhərində komandalarının 21-ci çempionluğunu qeyd edən fanatları polis uzaqlaşdırmaq istəyib. Bu məqsədlə asayiş keşikçiləri onların arasına itlərlə daxil olub.
Bu vaxt polis iti "Qalatasaray" azarkeşinin üzərinə tullanaraq, onu yerə yıxıb. İt daha sonra həmin şəxsi dişləyib. Çempionluğu qeyd edən digər azarkeşlər isə polislərə etirazını bildirib.
