"Qəbələ" klubunun heyətində 13 qolla Azərbaycan Premyer Liqasının bombardiri olan Baqali Dabo brifinq keçirib. Fransalı hücumçu Sportnet.az-ın da suallarını cavablandırıb...
- Bu, Sizin üçün uğurlu mövsüm idi?
- Ümumi mövsüm haqqında danışırıqsa, elə oyunlar oldu ki, çox da yaxşı oynamadıq. Mövsümdən əvvəl məqsədimiz ikincilik deyildi. Amma ümumilikdə bu da pis nəticə deyil.
- Gümüş medalla yanaşı, bombardir də oldunuz. Bu mükafat Sizin üçün nə dərəcədə dəyərlidir?
- Mövsümün bombardiri olmuşamsa, bu, təkcə mənim yox, bütün komandanın əməyidir. Çempionluqla bombardirlik arasında seçim etməli olsam, mən çempionluğu seçərdim.
- Vurduğun qollardan hansını fərqləndirərsən?
- "Səbail”ə vurduğum ilk qolu deyərdim.
- "Qəbələ”dəki gələcəyin haqqında nə düşünürsən?
- Hələ ki bilmirəm. Qarşıda bir oyunumuz - kubokun finalı var. Ondan sonra biləcəyəm.
