"Aue" klubu Almaniyanın II Bundesliqasında qalmaq uğrunda "pley-off" mərhələsinin cavab görüşünə çıxıb. Sportnet.az-ın məlumatına görə, Ertzebirge komandası III Bundesliqada 3-cü yeri tutmuş "Karlsrue"ni qəbul edib.
Görüş meydan sahiblərinin 3:1 hesablı qələbəsi ilə yekunlaşıb. Soren Bertramın 25-ci, 53-cü və 75-ci dəqiqələrdəki dəqiq zərbələri ilə "het-trik" etdiyi görüşdə qonaqların təsəlli qolunu 44-cü dəqiqədə Fabian Şlözener vurub. İlk oyun 0:0 hesablı heç-heçə ilə bitdiyindən, "Aue" II Bundesliqadakı yerini qoruyub.
Bu komandanın heyətində Azərbaycan millisinin yarımmüdafiəçisi Dmitri Nazarov 71-ci dəqiqədə meydana daxil olub.
