Türkiyə və İran milli komandaları 44 il sonra yoldaşlıq görüşü keçiriblər.
Sportnet.az-ın məlumatına görə, İstanbuldakı "Fatih Terim" stadionunda oynanılmış qarşılaşma meydan sahiblərinin 2:1 hesablı qələbəsi ilə yekunlaşıb. "Ay-ulduzlular"ın hər iki qolunu Cenk Tosun vurub.
Bununla da Türkiyə yığması İranla 7-ci görüşündə 5-ci qələbəsini əldə edib. Daha 2 oyunda isə qalib müəyyənləşməyib. "Ay-ulduzlular" 2,5 illik fasilədən sonra İstanbulda oyuna çıxıblar. Sonuncu dəfə bu şəhərdə yığmanın matçı 17 noyabr 2015-ci ildə olub.
Bu görüşə iranlı azarkeşlər böyük maraq göstəriblər. Onların arasında qadın fanatlar da olub.
