Topaz Premyer Liqasının 2013-2014-cü il mövsümünün bir sıra statistik məlumatları açıqlanıb. Sportnet.az Peşəkar Futbol Liqasının rəsmi saytına istinadən xəbər verir ki, İnStat Football şirkətinin Liqaya təqdim etdiyi statistikada topa ən çox nəzarət edən komanda kimi "Qarabağ” göstərilib. Ağdam futbolçuları orta hesabla hər oyunda 34 dəqiqədən çox topa nəzarət ediblər.
Hücum sayında "Neftçi” (oyun ərzində 101 dəfə) digər komandalardan daha üstün olub. Qapılara zərbələrdə isə "Xəzər Lənkəran”, "Bakı” və "Neftçi” klubları orta hesabla hər oyunda 15 zərbə ilə fərqlənib.
Hücum sayında "Neftçi” (oyun ərzində 101 dəfə) digər komandalardan daha üstün olub. Qapılara zərbələrdə isə "Xəzər Lənkəran”, "Bakı” və "Neftçi” klubları orta hesabla hər oyunda 15 zərbə ilə fərqlənib.
Ölkə çempionu olmuş "Qarabağ” ötürmə sayında və dəqiqliyində də orta hesabla hər oyunda müvafiq olaraq 631 ötürmə (onlardan 551-i dəqiq olub) ilə rəqiblərini geridə qoyub.
Azərbaycan Kubokunu ardıcıl ikinci dəfə qazanan ötənilki çempion "Neftçi” oyun ərzində orta hesabla 6 künc zərbəsi ilə bu göstərici üzrə liderdir.
Gümüş mükafatçı "İnter”in futbolçuları oyundankənar vəziyyətlərin sayına görə "fərqləniblər”. Bakılıların hər oyun üçün orta göstəricisi 3,5-dir.
